Chanchin Tha Puan Darhna Hmanruate - Tv. Thangkima
Kan Lal Isua chuan ram zawng zawngah kal a, chanchin tha puang turin min ti a. A puang darh hmasa ber tute chu a zirtirte kha an ni a. Ram hran hranah an vak darh a, chanchin tha an puang a. Kha tih hun lai kha chuan chanchin tha puang darh nan hmanrua an la nei chau hle a. An hmanrua neih that ber te chu lehkha inthawn leh ring taka au kha a ni mai a. An thu tha tak tak sawi te chu record loh leh ziaka dah awm lovin tam tak chu a thamral ngei ang tih a rin theih a ni.
Khawvel kum upatna chuan changkangna a rawn keng tel chho zel a. Thil la awm ngai lo te chu an rawn siam chhuak zel bawk a. Chung zinga thil tangkai tak mai pakhat chu telephone hi a ni. 1876 kum chuan Alexander Graham Bell leh Thomas Watson te thian dun chuan Telephone chu an rawn siam chhuak a. Tichuan, telephone chu in biak pawhna pawimawh tak a lo ni ta a. Rawngbawlna lamah, in tawngai sak nan te, Pathian thu in hrilh nan te leh sermon nan hial te pawh an lo hmang ta a. Chutiang zelin telegraph te leh fax te, radio te, tape recorder te chu an rawn siam chhuak zel bawk a. TV te pawh an rawn siam chhuak a, chanchin tha puang darh nana thil tangkai leh awlsam tak a lo ni ta zel a ni.
Read more: Chanchin Tha Puan Darhna Hmanruate - Tv. Thangkima
THUTAK ENG NGE NI? - Rev Rohmingliana
Kan thupui "THUTAK ENG NGE NI?" tia Pilata zawhna hi chhanna pasarihin ka'n chhang teh ang.
1.Thutak hmuh chu mihring nihna hriatfiahna a ni : Mihring hian ama nihna amahin a hre chhuak thei tawh lo va.Thutak Pathian Fapa, Thlarau Thianghlim, mihringah a lo awm chuan mihring hi tunge a nih hrefiahtu Pathian kha mihring chhungril berah a lo awm veleh kan pianpui mizia hi Pathian hmelma a nihzia a rawn hriattir thin a ni. Tichuan Pathian hmelma kan nih min hriattirah a tawp mai lo va. A hmelma kan nih min hriatfiahtir rualin amah ngei khan keimahni sual awm aiawhin vana anun khi, mi sual bawlhhlawh chhungah a thu a rawn hlen a ni. Pathian chu fakin awm rawh se.